തമിഴ്‌നാട്ടിൽ നാശം വിതച്ച് ‘ഗജ’ ചുഴലിക്കാറ്റ്; അരലക്ഷത്തിലധികം പേരെ മാറ്റിപ്പാർപ്പിച്ചു

തമിഴ്‌നാട്ടിൽ നാശം വിതച്ച് ‘ഗജ’ ചുഴലിക്കാറ്റ്; അരലക്ഷത്തിലധികം പേരെ മാറ്റിപ്പാർപ്പിച്ചു
@NewsHead
For InstantView News @NewsHeadIV

ഖശോഗിയുടെ പേരിൽ ഇരു ഹറമുകളിലും ജനാസ നമസ്‌കാരം

ഖശോഗിയുടെ പേരിൽ ഇരു ഹറമുകളിലും ജനാസ നമസ്‌കാരം
@NewsHead

ജിദ്ദ- ഇസ്താംബൂള്‍ സൗദി കോണ്‍സുലേറ്റില്‍ കൊല്ലപ്പെട്ട പ്രശസ്ത സൗദി മാധ്യമ പ്രവര്‍ത്തകന്‍ ജമാൽ ഖശോഗിയുടെ പേരിൽ വെള്ളിയാഴ്ച ഇരു ഹറമുകളിലും ജനാസ നമസ്‌കാരം നടക്കും. മകൻ സ്വലാഹ് ഖശോഗി അറിയിച്ചതാണ് ഇക്കാര്യം. മദീന മസ്ജിദുന്നബവിയിൽ  ഫജ്ർ നമസ്‌കാരത്തിനും മക്ക മസ്ജിദുൽ ഹറാമിൽ ജുമുഅ നമസ്‌കാരത്തിനും ശേഷമാണ് ജനാസ നമസ്‌കാരം നടക്കുക.
21:45 PM, Nov 15
Saudi
jamal khashoggi
title_en:
khashoggi janaza prayer

For InstantView News @NewsHeadIV

മുസ്‌ലിം ലീഗ് നേതാവ് എ.

മുസ്‌ലിം ലീഗ് നേതാവ് എ.പി.ബാപ്പു ഹാജി നിര്യാതനായി
@NewsHead

കാളികാവ്- പ്രമുഖ മുസ്‌ലിം ലീഗ് നേതാവും സഹകാരിയും സാമൂഹ്യ പ്രവർത്തകനുമായ എ.പി. മുഹമ്മദ് എന്ന ബാപ്പു ഹാജി (85) നിര്യാതനായി. മലയോര മേഖലയിലെ വിദ്യാഭ്യാസ പുരോഗതിക്കായി ഏറെ പ്രവർത്തിച്ച അദ്ദേഹം  കാളികാവ് അടക്കാക്കുണ്ടിലെ പരേതനായ അക്കരപ്പീടിക ഹൈദ്രുവിന്റെയും പൊറ്റയിൽ ഫാത്തിമയുടെയും മകനാണ്. 1967 മുതൽ 35 വർഷം കാളികാവ് പഞ്ചായത്ത് മുസ്ലിം ലീഗ് പ്രസിഡന്റും, 1987 മുതൽ 10 വർഷം കാളികാവ് പഞ്ചായത്ത് പ്രസിഡന്റുമായിരുന്നു. 1967 ൽ ബാപ്പു ഹാജി തുടങ്ങിയ അടക്കാക്കുണ്ട് ക്രസന്റ് ഹയർ സെക്കൻഡറി സ്‌കൂൾ ഈ മേഖലയിലെ വിദ്യാഭ്യാസ പുരോഗതിയിൽ മുഖ്യ പങ്കു വഹിച്ചു. ഈ കാലയളവിൽ പാറശ്ശേരി ജി.എൽ.പി.എസും, ചാഴിയോട് എൽ.പി സ്‌കൂളും തുടങ്ങാൻ നേതൃത്വം നൽകി.
സമസ്തയുടെ ഒട്ടേറെ പള്ളികളും മദ്രസകളും നിർമിക്കാൻ ബാപ്പു ഹാജി നേതൃത്വം നൽകിയിട്ടുണ്ട്. സമസ്തയുടെ അംഗീകാരത്തോടെ കേരളത്തിൽ ആദ്യമായി ഹിമയെന്ന അനാഥ വൃദ്ധസദനം നിർമിക്കാനായി മൂന്നേക്കർ സ്ഥലം വിട്ടു നൽകി. കാളികാവ് സർവീസ് സഹകരണ ബാങ്കിന്റെ ശിൽപികളിൽ പ്രധാനിയാണ്. പുല്ലാണി ഫാത്തിമയാണ് ഭാര്യ. മക്കളില്ല. ഖബറടക്കം ഇന്ന് രാവിലെ പത്തിന് അടക്കാക്കുണ്ട് ജുമുഅ മസ്ജിദിൽ.
21:15 PM, Nov 15

For InstantView News @NewsHeadIV

വനിതാ ലോകകപ്പില്‍  ഇന്ത്യ സെമിയിലേക്ക്

വനിതാ ലോകകപ്പില്‍  ഇന്ത്യ സെമിയിലേക്ക്
@NewsHead

-അയര്‍ലന്റിനെ
52 റണ്‍സിന് തോല്‍പിച്ചു

പ്രൊവിഡന്‍സ് - തുടര്‍ച്ചയായ മൂന്നാം മത്സരവും അനായാസം ജയിച്ച ഇന്ത്യ ട്വന്റി20 വനിതാ ലോകകപ്പില്‍ സെമി ഫൈനലിലേക്ക് കാലെടുത്തു വെച്ചു. ദുര്‍ബലരായ അയര്‍ലന്റിനെ 52 റണ്‍സിന് ഇന്ത്യ തോല്‍പിച്ചു. ഗ്രൂപ്പ് ബി-യില്‍ ഇന്ത്യക്കും ഓസ്‌ട്രേലിയക്കും ആറ് പോയന്റ് വീതമായി. ഓസീസുമായി ഇന്ത്യക്ക് കളി ബാക്കിയുണ്ട്. ആദ്യം ബാറ്റ് ചെയ്ത ഇന്ത്യ ആറിന് 145 ലെത്താന്‍ വിയര്‍ത്തെങ്കിലും അയര്‍ലന്റിനെതിരെ ആ സ്‌കോര്‍ ധാരാളമായിരുന്നു. അയര്‍ലന്റിന് എട്ട് വിക്കറ്റ് നഷ്ടത്തില്‍ 93 റണ്‍സെടുക്കാനേ സാധിച്ചുള്ളൂ. അവരുടെ മൂന്നാം തോല്‍വിയാണ് ഇത്.
ദുര്‍ബലരായ അയര്‍ലന്റ് ബൗളിംഗ് മുതലെടുക്കാന്‍ ആദ്യം ബാറ്റ് ചെയ്ത ഇന്ത്യക്ക് സാധിച്ചില്ല. ടീം ആറിന് 145 ലേക്ക് ഇഴഞ്ഞെത്തുകയായിരുന്നു. 56 പന്തില്‍ 51 റണ്‍സെടുത്ത ഓപണര്‍ മിഥാലി രാജാണ് ഇന്നിംഗ്‌സിന് അടിത്തറയിട്ടത്. ഒരു സിക്‌സറും നാല് ബൗണ്ടറിയുമടങ്ങുന്നതാണ് ക്ഷമാപൂര്‍വമുള്ള മുന്‍ നായികയുടെ അര്‍ധ ശതകം. സ്മൃതി മന്ദാനയും (29 പന്തില്‍ 33) മിഥാലിയും ആദ്യ വിക്കറ്റില്‍ പത്തോവറില്‍ 67 റണ്‍സ് ചേര്‍ത്തു. മന്ദാനയും ഒരു സിക്‌സറും നാല് ബൗണ്ടറിയുമടിച്ചു. ഇരുവരും പകുതിയോളം ഓവറുകള്‍ കവര്‍ന്നെടുത്തതോടെ പിന്നീട് വന്നവര്‍ ആഞ്ഞടിക്കാന്‍ നിര്‍ബന്ധിതരായി. അഞ്ച് പന്തില്‍ ഒരു സിക്‌സറും നാല് ബൗണ്ടറിയുമായി 22 റണ്‍സെടുത്ത മിഥാലി അവശേഷിച്ച 29 റണ്‍സിനായി 51 പന്ത് നേരിട്ടു. അവസാന ഘട്ടത്തിലും വേഗം കൂട്ടാനാവാതെ പത്തൊമ്പതാം ഓവറിലാണ് മിഥാലി പുറത്തായത്. പെയ്‌സ്ബൗളര്‍ കിം ഗാര്‍തിനെതിരെ വന്യമായി ബാറ്റ് വീശിയാണ് മന്ദാന ബൗള്‍ഡായത്.
വെടിക്കെട്ട് ബാറ്റിംഗുകാരി ജെമീമ റോഡ്രിഗസ് എത്തിയതോടെ ഇന്ത്യന്‍ ഇന്നിംഗ്‌സിന് ഗതിവേഗം കിട്ടുമെന്ന് തോന്നി. വണ്‍ഡൗണായി ജെമീമയെ ഇറക്കിയത് പക്ഷെ വിജയം കണ്ടില്ല. മൂന്ന് ബൗണ്ടറിയോടെ 11 പന്തില്‍ 18 റണ്‍സെടുത്ത ജെമീമയെ ലോറ ഡെലാനിയുടെ വൈഡ് ബോളില്‍ വിക്കറ്റ് കീപ്പര്‍ സ്റ്റമ്പ് ചെയ്തു. പിന്നീട് ഇന്ത്യക്ക് തുടരെ വിക്കറ്റ് നഷ്ടപ്പെട്ടു. സിക്‌സറോടെ തുടങ്ങിയ ക്യാപ്റ്റന്‍ ഹര്‍മന്‍പ്രീത് കൗറിനെ (3 പന്തില്‍ 7) അയ്മിയര്‍ റിച്ചാഡ്‌സന്‍ പുറത്താക്കി. വേദ കൃഷ്ണമൂര്‍ത്തി (9) ഡി. ഹേമലത (4) എന്നിവരും പുറത്തായി. ദീപ്തി ശര്‍മ ഏഴ് പന്തില്‍ 11 റണ്‍സുമായി പുറത്താവാതെ നിന്നു.
അയര്‍ലന്റും സാവധാനമാണ് മുന്നേറിയത്. ആറാം ഓവറില്‍ സ്‌കോര്‍ 28 ലെത്തി നില്‍ക്കെ ഗാബി ലൂയിസിനെ (9) ദീപ്തി ശര്‍മ ബൗള്‍ഡാക്കി. ക്ലയര്‍ ഷില്ലിംഗ്ടണും (23 പന്തില്‍ 23) ഡെലാനിയും ഇന്നിംഗ്‌സ് പാളത്തില്‍ കയറ്റാന്‍ ശ്രമിച്ചു. ഷില്ലിംഗ്ടണെ പുറത്താക്കി പൂനം യാദവാണ് ഇന്ത്യക്ക് ബ്രെയ്ക്ത്രൂ സമ്മാനിച്ചത്. ഡെലാനി (9), കവനാഗ് (2) എന്നിവരും അധികം വാണില്ല. ഡെലാനി സ്റ്റമ്പ് ചെയ്യപ്പോട്ടപ്പോള്‍ കവനാഗ് വിക്കറ്റിനു മുന്നില്‍ കുടുങ്ങി.
രാധാ യാദവിനു മൂന്നു വിക്കറ്റ് കിട്ടി. ദീപ്തി ശര്‍മക്ക് രണ്ടും. ക്യാപ്റ്റന്‍ ഹര്‍മന്‍പ്രീത് നാലോവറില്‍ 10 റണ്‍സ് മാത്രം വഴങ്ങി ഒരു വിക്കറ്റെടുത്തു.
21:15 PM, Nov 15
Kalikkalam
title_en:
women t20

For InstantView News @NewsHeadIV

വീട്ടമ്മ ദേഹത്ത് തീക്കൊളുത്തി മരിച്ചത്  വൈദികന്റെ പീഡനം മൂലം

വീട്ടമ്മ ദേഹത്ത് തീക്കൊളുത്തി മരിച്ചത്  വൈദികന്റെ പീഡനം മൂലം
@NewsHead

* കണ്ടെത്തൽ സഭ നടത്തിയ അന്വേഷണത്തിൽ

കോട്ടയം- യുവതിയായ വീട്ടമ്മ മണ്ണെണ്ണ ഒഴിച്ച് തീക്കൊളുത്തി ആത്മഹത്യ ചെയ്തത് വൈദികന്റെ പീഡനം സഹിക്ക വയ്യാതെയാണെന്നും വീട്ടമ്മയെ വൈദികൻ മാനസികമായും ശാരീരികമായും പീഡിപ്പിച്ചിരുന്നതായും സഭാന്വേഷണത്തിൽ കണ്ടെത്തി. ഇതോടെ വൈദികനെതിരെ ഇന്നലെ ചേർന്ന കോട്ടയം ഭദ്രാസന കൗൺസിൽ നടപടിക്ക് ശുപാർശ ചെയ്തു. വിശദമായ റിപ്പോർട്ട് ഇന്നു തന്നെ ഭദ്രാസന കൗൺസിൽ കാതോലിക്കാ ബാവക്ക് സമർപ്പിക്കും. വൈദികനെതിരെ നടപടിയുണ്ടാകുമെന്നാണ് അറിയുന്നത്. സെപ്റ്റംബർ നാലിനാണ് വീട്ടമ്മ ആത്മഹത്യ ചെയ്തത്.
സംഭവത്തെത്തുടർന്ന് വൈദികൻ വീട്ടമ്മയുടെ ഭർത്താവിനോട് ടെലിഫോണിൽ പീഡനക്കുറ്റം സമ്മതിച്ചിരുന്നു. ഇതിന്റെ ഓഡിയോ കാതോലിക്ക ബാവയ്ക്കും പോലീസിനും ഭർത്താവ് സമർപ്പിക്കുകയും ചെയ്തു. 51 മിനിറ്റ് ദൈർഘ്യമുള്ള ഓഡിയോയിലെ ശബ്ദം തന്റേതു തന്നെയെന്ന് വൈദികൻ അഞ്ചംഗ അന്വേഷണ സംഘത്തിനു മുമ്പിൽ സമ്മതിക്കുകയും ചെയ്തു. ഈ കുറ്റസമ്മതം വൈദികന്റെ അസാന്മാർഗിക ജീവിതത്തെ ശരിവയ്ക്കുന്നതാണെന്ന് കൗൺസിൽ വിലയിരുത്തിയിട്ടുണ്ട്.
വൈദികനെ രണ്ടു പ്രാവശ്യം വീട്ടിൽ വെച്ച് കണ്ടിരുന്നതായി വീട്ടമ്മയുടെ മകൻ അന്വേഷണ കൗൺസിൽ മുമ്പാകെ മൊഴി നൽകി. കൂടാതെ ഒരു പ്രാവശ്യം ആശുപത്രിയിൽ വെച്ച് കണ്ടിട്ടുണ്ടെന്നും മകൻ പറഞ്ഞു. വീട്ടമ്മ ആത്മഹത്യ ചെയ്തതിനെ തുടർന്ന് വൈദികനെതിരെ ജനരോഷം ശക്തമായിരുന്നു. ഇതേ തുടർന്ന് വൈദികനെ സഭ സസ്‌പെൻഡ് ചെയ്തു. എന്നാൽ ഒരു മാസം പൂർത്തിയായതിനെ തുടർന്ന് സസ്‌പെൻഷൻ പിൻവലിച്ചു.
കോട്ടയം ഭദ്രാസന മെത്രാപ്പോലിത്ത ഡോ.യൂഹനോൻ മാർ ദിയസ്‌കോറസിന്റെ അധ്യക്ഷതയിൽ ഭദ്രാസന കൗൺസിലാണ് റിപ്പോർട്ട് അവതരിപ്പിച്ചത്. ഈ വൈദികൻ ഇരുന്നിരുന്ന പള്ളികളിലെല്ലാം ഇതിനു സമാന സംഭവങ്ങൾ ഉണ്ടായിട്ടുണ്ടെന്നും ആരോപണങ്ങൾ ഉയർന്നിരുന്നു. ചിങ്ങവനം പോലീസ് രജിസ്റ്റർ ചെയ്ത കേസ് ചങ്ങനാശേരി ഡിവൈ.എസ്.പി എസ്.സുരേഷ് കുമാർ അന്വേഷിച്ച് വിശദമായ റിപ്പോർട്ട് ജില്ലാ പോലീസ് മേധാവി ഹരിശങ്കറിന് കൈമാറിയിട്ടുണ്ട്.
21:15 PM, Nov 15
Kerala
suicide

Sexual Harassment

Priest
സനിൽ
title_en:
lady suicide due to priest's harassment

For InstantView News @NewsHeadIV

സുബ്രതോ കപ്പ്

സുബ്രതോ കപ്പ്: ചേലേമ്പ്ര  സ്‌കൂള്‍ സെമിയില്‍
@NewsHead

ദല്‍ഹിയില്‍ നടക്കുന്ന സുബ്രതോ കപ്പ് അണ്ടര്‍-17 ദേശീയ സ്‌കൂള്‍ ഫുട്‌ബോള്‍ ടൂര്‍ണമെന്റില്‍ മലപ്പുറം ചേലേമ്പ്ര നാരായണന്‍ നായര്‍ മെമ്മോറിയല്‍ എച്ച്.എസ്.എസ് (എന്‍.എന്‍.എം.എച്ച്.എസ്.എസ്) സെമിയില്‍ കടന്നു. ക്വാര്‍ട്ടറില്‍ മുംബൈ റിലയന്‍സ് ഫൗണ്ടേഷന്‍ സ്‌കൂളിനെ എതിരില്ലാത്ത രണ്ടു ഗോളുകള്‍ക്ക് തോല്‍പ്പിച്ചാണ് കേരളത്തെ പ്രതിനിധീകരിക്കുന്ന ചേലേമ്പ്ര സ്‌കൂള്‍ സെമിയില്‍ പ്രവേശിച്ചത്. നായകന്‍ ബാവുനിഷാദ് ആണ് 33 ാം മിനിറ്റില്‍ ആദ്യഗോള്‍ നേടിയത്. 54ാം മിനിറ്റില്‍ അക്ഷയ് മണിയെ ഫൗള്‍ ചെയ്തതിനു ലഭിച്ച ഫ്രീകിക്ക് അക്ഷയ് തന്നെ ഗോളാക്കി.
ആദ്യ റൗണ്ടില്‍ നാലു മത്സരങ്ങളും ജയിച്ചു ഗ്രൂപ്പ് ചാമ്പ്യന്‍മാരായാണ് ചേലേമ്പ്ര സ്‌കൂള്‍ ക്വാര്‍ട്ടറില്‍ റിലയന്‍സിനെ നേരിട്ടത്. ഉത്തരാഖണ്ഡിനെ എതിരില്ലാത്ത നാലു ഗോളുകള്‍ക്കു തകര്‍ത്തായിരുന്നു ചേലേമ്പ്രയുടെ തുടക്കം. അഞ്ച്, 18, 21 മിനിറ്റുകളില്‍ അക്ഷയ് മണി ഹാട്രിക് തികച്ചു. 15ാം മിനിറ്റില്‍ മുഹമ്മദ് അനസും ലക്ഷ്യം കണ്ടു. രണ്ടാം മത്സരത്തില്‍ കരുത്തരായ സിക്കിമിനെ രണ്ടു ഗോളുകള്‍ക്കു പരാജയപ്പെടുത്തി. 59ാം മിനിറ്റില്‍ മുഹമ്മദ് റമീസും 65ാം മിനിറ്റില്‍ അഭിഷേകുമായിരുന്നു ഗോളുകള്‍ നേടിയത്. മൂന്നാം മത്സരത്തില്‍ അരുണാചല്‍ പ്രദേശിനെ 4-0 ന് തകര്‍ത്തു.. 28ാം മിനിറ്റില്‍ നായകന്‍ ബാവുനിഷാദും 39ാം മിനിറ്റില്‍ അക്ഷയ് മണിയും 60, 69 മിനിറ്റുകളില്‍ മനോജ് മഞ്ജുനാഥുമായിരുന്നു ഗോളടിച്ചത്. ലീഗിലെ അവസാന മത്സരത്തില്‍ സായ് കൊല്‍ക്കത്തയെ എതിരില്ലാത്ത ഒരു ഗോളിനു തോല്‍പ്പിച്ചു. 64ാം മിനിറ്റില്‍ ബാവു നിഷാദാണ് നിര്‍ണായക ഗോള്‍ നേടിയത്.
മുഖ്യപരിശീലകന്‍ മന്‍സൂര്‍ അലി, ടീം മാനേജര്‍ ഇസ്മായില്‍, അധ്യാപകരായ മുഹമ്മദ്, ഫസലുല്‍ ഹക്, ബൈജീവ് എന്നിവരാണ് ടീമിനൊപ്പമുള്ളത്.  ഇതാദ്യമായാണ് സീനിയര്‍ വിഭാഗത്തില്‍ ചേലേമ്പ്ര യോഗ്യത നേടുന്നത്. 2014 ല്‍ സ്‌കൂളില്‍ സ്‌പോര്‍ട്‌സ് ഹോസ്റ്റല്‍ ആരംഭിച്ചതാണ് കായികമികവില്‍ നേട്ടം കൊയ്തത്. ഇതിനകം നിരവധി വിജയങ്ങള്‍ ചേലേമ്പ്ര എന്‍.എന്‍.എം.എച്ച്.എസ്.എസ് സ്വന്തമാക്കിയിട്ടുണ്ട്. ദേശീയ, സംസ്ഥാനതലത്തില്‍ കളിക്കുന്ന ഒട്ടേറെ പേര്‍ സ്‌കൂളിലുണ്ട്. കായികാധ്യാപകനായ മന്‍സൂറലിയുടെ കീഴിലാണ് പരിശീലനം. സ്‌കൂള്‍ മൈതാനത്തും കാലിക്കറ്റ് യൂനിവേഴ്‌സിറ്റി  സ്റ്റേഡിയത്തിലുമാണ് പരിശീലനം. ഈ വര്‍ഷം 20 പെണ്‍കുട്ടികള്‍ക്കും സ്‌പോര്‍ട്‌സ് ഹോസ്റ്റലില്‍ പ്രവേശനം നല്‍കി. മലേഷ്യയില്‍ നടന്ന എ.എഫ്.സി അണ്ടര്‍-16 ചാമ്പ്യന്‍ഷിപ്പില്‍ കളിച്ച മലപ്പുറത്തിന്റെ ഷാബാസ് അഹമ്മദ് ചേലേമ്പ്രയുടെ താരമാണ്. ചേലേമ്പ്രയുടെ കെ. ജുനൈന്‍, കെ. സുധീഷ് എന്നിവര്‍ ഏഷ്യന്‍ അണ്ടര്‍-17  ചാമ്പ്യന്‍ഷിപ്പില്‍ ഇന്ത്യന്‍ സ്‌കൂള്‍ ടീമിലുണ്ടായിരുന്നു.
21:15 PM, Nov 15
Kalikkalam
title_en:
SUBRATO

For InstantView News @NewsHeadIV

നെന്മാറയിൽ എ.

നെന്മാറയിൽ എ.ടി.എം തകർത്ത്  കവർച്ചാ ശ്രമം
@NewsHead

പാലക്കാട്- നെന്മാറ അടിപ്പെരണ്ടയിലെ കനറാ ബാങ്ക് എ.ടി.എം തകർത്ത് കവർച്ചാ ശ്രമം. അടിപ്പെരണ്ടി കവലക്ക് സമീപമുള്ള കെട്ടിടത്തിലെ എ.ടി.എമ്മാണ് തകർക്കാൻ ശ്രമിച്ചത്. വ്യാഴാഴ്ച പുലർച്ചെ 1.50 നാണ് സംഭവം. ബൈക്കിലെത്തിയ രണ്ടു പേരാണ് എ.ടി.എം. തകർത്ത് കവർച്ച നടത്താൻ ശ്രമിച്ചതെന്ന് സി.സി.ടി.വി ദൃശ്യങ്ങളിൽ കണ്ടെത്തി. നീലക്കള്ളി നിറത്തിലുള്ള മുണ്ടും ചുവന്ന ഷർട്ടും ധരിച്ച് മുഖം മറച്ച നിലയിലാണ് മോഷ്ടാക്കൾ എത്തിയത്. കല്ലുപയോഗിച്ച് എ.ടി.എമ്മിന്റെ അടിവശത്ത് തകർത്ത ശേഷം ഇരുമ്പു വെട്ടുകത്തിയുപയോഗിച്ച് മെഷീന്റെ മുൻ വാതിലും പൊളിച്ചു. 2.15 വരെ ശ്രമം നടത്തിയെങ്കിലും പണം സൂക്ഷിച്ചിട്ടുള്ള പെട്ടി പൊളിക്കാൻ കഴിയാതെ വന്നതിനാൽ മോഷ്ടാക്കൾ പിന്തിരിയുകയായിരുന്നു. മോഷണ ശ്രമത്തിൽ എ.ടി.എമ്മിൽ നിന്ന് പണം നഷ്ടപ്പെട്ടിട്ടില്ലെന്ന് ബാങ്ക് അധികൃതർ പറഞ്ഞു. ഒരാൾ എ.ടി.എം തകർക്കുന്ന സമയം മറ്റൊരാൾ എ.ടി.എമ്മിന് പുറത്ത് നിരീക്ഷണം നടത്തുന്ന നിലയിലാണ് സി.സി.ടി.വി ദൃശ്യങ്ങളിലുള്ളത്. ദൃശ്യങ്ങൾ അനുസരിച്ച് പ്രദേശ വാസികളാവാനാണ് സാധ്യതയെന്ന നിഗമനത്തിലാണ് പോലീസ്. നൈറ്റ് വിഷൻ ക്യാമറയല്ലാത്തതിനാൽ മോഷ്ടാക്കളുടെ കൂടുതൽ ചിത്രം ലഭിക്കുന്നതിനായി സമീപത്തുള്ള സ്ഥാപനങ്ങളുടെ സി.സി.ടി.വി ദൃശ്യങ്ങളും പരിശോധിക്കുമെന്ന് നെന്മാറ എസ്.ഐ എൻ.എസ്.രാജീവൻ പറഞ്ഞു. സ്ഥലത്ത് പാലക്കാട് നിന്നുള്ള ഡോഗ് സ്‌ക്വാഡും, ഫിംഗർ പ്രിന്റ് വിദഗ്ധരും പരിശോധന നടത്തി.
21:15 PM, Nov 15
Kerala
ATM robbery
title_en:
atm robbery attempt nenmara

For InstantView News @NewsHeadIV

കണ്ണൂരിൽനിന്ന് ഷാർജയിലേക്കും സർവീസിന്  എയർ ഇന്ത്യ എക്‌സ്പ്രസിന് അനുമതി

കണ്ണൂരിൽനിന്ന് ഷാർജയിലേക്കും സർവീസിന്  എയർ ഇന്ത്യ എക്‌സ്പ്രസിന് അനുമതി
@NewsHead

കണ്ണൂർ- കണ്ണൂർ രാജ്യാന്തര വിമാനത്താവളത്തിൽ നിന്നും അബുദാബിക്കും റിയാദിനും പിന്നാലെ ഷാർജയിലേക്കും സർവീസ് നടത്തുന്നതിന് എയർ ഇന്ത്യാ എക്‌സ്പ്രസിനു അനുമതി ലഭിച്ചു. സമയ പട്ടികയ്ക്കും ഡയറക്ടർ ജനറൽ ഓഫ് സിവിൽ ഏവിയേഷന്റെ അനുമതി ലഭിച്ചു. ഉദ്ഘാടനത്തിന്റെ പിറ്റേന്നാണ് ആദ്യ സർവീസ്. ഷാർജയിലേക്കും തിരിച്ചും ആഴ്ചയിൽ നാല് ദിവസമാണ് സർവീസ് ഉണ്ടാവുക. കണ്ണൂരിൽ നിന്നും തിങ്കൾ, ബുധൻ, വെള്ളി, ശനി ദിവസങ്ങളിൽ രാവിലെ 9 മണിക്കു പുറപ്പെടുന്ന വിമാനം ഷാർജയിൽ യു.എ.ഇ സമയം 11.30 നു എത്തും. തിരിച്ച് 12.30 നു കണ്ണൂരിലേക്കു പുരപ്പെടുന്ന വിമാനം വൈകുന്നേരം 5.40 നു കണ്ണൂരിലെത്തും.
എയർ ഇന്ത്യാ എക്‌സ്പ്രസിനു അബുദാബിയിലേക്കു സർവീസ് നടത്താൻ അനുവദിച്ച സമയത്തിലും മാറ്റമുണ്ട്. ഉദ്ഘാടന ദിവസമായതിനാൽ ഡിസംബർ 9 നു രാവിലെ 10 നാണ് ആദ്യ വിമാനം പറന്നുയരുക. തുടർന്ന് ചൊവ്വ, വ്യാഴം, ഞായർ ദിവസങ്ങളിൽ രാവിലെ 9 നു കണ്ണൂരിൽ നിന്നും പുറപ്പെട്ട് യു.എ.ഇ സമയം 11.30 നു അബുദാബിയിലെത്തുന്ന വിമാനം, 12.30 നു പുറപ്പെട്ട് വൈകുന്നേരം 6 മണിക്ക് കണ്ണൂരിലെത്തും.
വ്യാഴം, വെള്ളി, ഞായർ ദിവസങ്ങളിലാണ് എയർ ഇന്ത്യാ എക്‌സ്പ്രസിന്റെ റിയാദ് സർവീസ്. രാത്രി 9.05 നു കണ്ണൂരിൽ നിന്നും പുറപ്പെട്ട് സൗദി സമയം 11.30 നു റിയാദിലെത്തും. 12.35 നു പുറപ്പെട്ട് രാവിലെ 8 നു കണ്ണൂരിലെത്തും. തിങ്കൾ, ചൊവ്വ, ശനി ദിവസങ്ങളിലാണ് ദോഹ സർവീസ്. രാത്രി 8.20 നു കണ്ണൂരിൽ നിന്നും പുറപ്പെട്ട് ദോഹ സമയം 10 നു അവിടെയെുത്തുന്ന വിമാനം, 11 മണിക്കു പുറപ്പെട്ട് രാവിലെ 5.45 നു കണ്ണൂരിലെത്തും.
21:00 PM, Nov 15
Kerala
kannur airport

sharja

airindia express
title_en:
kannur sharja air india express service

For InstantView News @NewsHeadIV

വയോധികയെ വെറും കൈയോടെ വിട്ട വീട്ടുടമക്കെതിരെ വനിതാ കമ്മീഷൻ

വയോധികയെ വെറും കൈയോടെ വിട്ട വീട്ടുടമക്കെതിരെ വനിതാ കമ്മീഷൻ
@NewsHead

കൊച്ചി - 30 വർഷം വീട്ടുജോലി ചെയ്ത വയോധികയെ വെറുംകൈയോടെ തിരിച്ചയച്ചെന്ന് പരാതി. അങ്കമാലി കിടങ്ങൂർ സ്വദേശിയായ 83 വയസ്സുള്ള വൃദ്ധയാണ് പരാതിയുമായി വനിതാ കമ്മീഷന് മുന്നിലെത്തിയത്. സ്വന്തമായി ബന്ധുക്കളോ വീടോ ഇല്ലാത്ത ഇവരുടെ ഏക വരുമാനം വീട്ടുജോലിയിൽനിന്ന് കിട്ടുന്ന തുഛമായ തുകയായിരുന്നു. ഉയർന്ന സാമ്പത്തിക ശേഷിയുള്ള വീട്ടിലായിരുന്നു ജോലി. പ്രായാധിക്യത്താൽ ഇനി വേറെ എവിടെയും ജോലിക്ക് പോകാൻ കഴിയില്ല. നാട്ടുകാരുടെ സഹായത്തോടെയാണ് ഇപ്പോൾ മുന്നോട്ട് പോകുന്നത്. നാട്ടുകാരെല്ലാം ചേർന്നാണ് അവരെ വനിതാ കമ്മീഷന്റെ മെഗാ അദാലത്തിലേക്ക് എത്തിച്ചത്. പരാതി കേട്ട കമ്മീഷൻ വീട്ടുടമയെ ബന്ധപ്പെടാൻ ശ്രമിച്ചെങ്കിലും സാധിച്ചില്ല. അങ്കമാലി പോലീസ് സ്റ്റേഷനിൽ പരാതി നൽകാൻ കമ്മീഷൻ ആവശ്യപ്പെട്ടിട്ടുണ്ട്. വയോജന നിയമം അനുസരിച്ച് മാനുഷികമായ രീതിയിൽ വയോധികക്ക് നല്ലൊരു തുക നൽകാൻ ആവശ്യപ്പെടുമെന്ന് കമ്മീഷൻ പറഞ്ഞു.
അടുത്ത സിറ്റിങിൽ വീട്ടുടമയെ വിളിച്ചുവരുത്തുമെന്ന് വനിതാ കമ്മീഷൻ അധ്യക്ഷ എം സി ജോസഫൈൻ പറഞ്ഞു. നഗരത്തിലെ സ്വകാര്യ ആശുപത്രിയിൽ അസി. നഴ്സിങ് സൂപ്രണ്ടിനെ മാനസികമായി പീഡിപ്പിച്ച പരാതിയും കമ്മീഷൻ പരിഗണിച്ചു. ലേബർ ഓഫീസിൽ ഇതുസംബന്ധിച്ച പരാതി നൽകിയെങ്കിലും നടപടിയെടുത്തില്ല. ഇവർക്ക് മാന്യമായ നഷ്ടപരിഹാരം നൽകാനും മോശം പരാമർശങ്ങളില്ലാത്ത തൊഴിൽ പരിചയ സർട്ടിഫിക്കറ്റ് നൽകാനും കമ്മീഷൻ ഉത്തരവിട്ടു. ഇവരുടെ പരാതി പരിഹരിക്കുന്നതിൽ ജില്ല ലേബർ ഓഫീസർക്കും വീഴ്ച പറ്റിയെന്ന് കമ്മീഷൻ വിലയിരുത്തി. ജാതിയുടെയും മതത്തിന്റെയും പേരിൽ ആശുപത്രികളും വിദ്യാഭ്യാസ സ്ഥാപനങ്ങളും തുടങ്ങുകയും സദാചാരത്തെയും കാരുണ്യത്തെയും കുറിച്ച് വാതോരാതെ സംസാരിക്കുകയും ചെയ്യുന്നവരാണ് തൊഴിലാളികളെ കൂടുതൽ ചൂഷണം ചെയ്യുന്നതെന്ന് ചെയർപേഴ്സൺ പറഞ്ഞു. ഇത്തരത്തിലുള്ള നിരവധി പരാതികൾ സംസ്ഥാനത്തിന്റെ വിവിധ ഭാഗങ്ങളിൽ നിന്നും ലഭിക്കുന്നുണ്ട്. മലിനീകരണമുണ്ടാക്കുന്നു എന്ന പരാതിയിൽ കുന്നത്ത്നാട് പെരുമ്പാവൂർ അതിർത്തിയിലെ എല്ലുപൊടി കമ്പനി നിർത്തിവെക്കാൻ കമ്മീഷൻ ഉത്തരവിട്ടു.
84 പരാതികളായിരുന്നു അദാലത്തിന്റെ രണ്ടാം ദിവസം പരിഗണിച്ചത്. ഇതിൽ 31 പരാതികൾ തീർപ്പാക്കി. 17 പരാതികളിൽ പോലീസിനോടും മറ്റ് ബന്ധപ്പെട്ട വകുപ്പുകളോടും റിപ്പോർട്ട് ആവശ്യപ്പെട്ടിട്ടുണ്ട്. ആറ് പരാതിയിൽ ആർഡിഒയോടും റിപ്പോർട്ട് ആവശ്യപ്പെട്ടു.
അഞ്ചു പരാതികൾ കൗൺസലിങിന് അയച്ചിട്ടുണ്ട്. 25 എണ്ണം അടുത്ത അദാലത്തിലേക്ക് മാറ്റി. കമ്മീഷൻ അംഗങ്ങളായ ഷാഹിദ കമാൽ, ഇ എം രാധ, വി യു കുര്യാക്കോസ്, അഡ്വ. സ്മിത ഗോപി, എ സി അലിയാർ, യമുന, സിവിൽ പോലീസ് ഓഫീസർ സീന സലേഷ്യ, സോൺമേരി എന്നിവർ അദാലത്തിൽ പങ്കെടുത്തു.
21:00 PM, Nov 15
Kerala
kerala womens commisiion
title_en:
kerala women commission sitting

For InstantView News @NewsHeadIV

പ്രവർത്തകരോട് പിണങ്ങി  തിരുവഞ്ചൂരിന്റെ ഉപവാസം

പ്രവർത്തകരോട് പിണങ്ങി  തിരുവഞ്ചൂരിന്റെ ഉപവാസം
@NewsHead

പത്തനംതിട്ട- വിശ്വാസ സംരക്ഷണ പദയാത്രക്കിടെ പ്രവർത്തകരോട് പിണങ്ങി തിരുവഞ്ചൂരിന്റെ ഉപവാസം.
ജാഥ ഇലന്തൂർ പഞ്ചായത്ത് സ്‌റ്റേഡിയത്തിലെത്തിയപ്പോൾ പ്രവർത്തകരുടെ എണ്ണം കുറവായതാണ് തിരുവഞ്ചൂരിനെ ചൊടിപ്പിച്ചത്.
ഇന്നലെ പുലർച്ചെ പത്തനംതിട്ട പുല്ലാട്ട് നിന്നും തിരുവഞ്ചൂർ രാധാകൃഷ്ണന്റെ നേതൃത്വത്തിൽ ആരംഭിച്ച വിശ്വാസ സംരക്ഷണ പദയാത്രക്ക് ഉച്ചഭക്ഷണം ഇലന്തൂർ പഞ്ചായത്ത് സ്റ്റേഡിയത്തിലാണ് ക്രമീകരിച്ചിരുന്നത്. എന്നാൽ ഉച്ചക്ക് 2 മണിയോടെ പദയാത്ര ഇലന്തൂർ സ്‌റ്റേഡിയത്തിലെത്തുമ്പോൾ 35 ഓളം പ്രവർത്തകർ മാത്രമാണ് തിരുവഞ്ചുരിനൊപ്പം ഉണ്ടായിരുന്നത്. പഞ്ചായത്ത് സ്‌റ്റേഡിയത്തിലും വിരലിലെണ്ണാവുന്ന പ്രവർത്തകർ മാത്രമാണ് ഉണ്ടായിരുന്നത്.
1100 ഓളം പേർക്ക് ഭക്ഷണം തയ്യാറാക്കിയിരുന്നെങ്കിലും പദയാത്രക്കൊപ്പം വന്നവരും സ്റ്റേഡിയത്തിൽ സ്വീകരിക്കാനുണ്ടായിരുന്നവരുമായി 50 ൽ താഴെ പ്രവർത്തകർ മാത്രം. ഇതിൽ പ്രതിഷേധിച്ച് തിരുവഞ്ചൂർ രാധാകൃഷ്ണൻ ഉച്ചഭക്ഷണം ഉപേക്ഷിച്ച് 5 മണി വരെ ഇലന്തൂരിൽ ഉപവസിക്കാൻ തീരുമാനിക്കുകയായിരുന്നു. സംഭവമറിഞ്ഞ് കൂടുതൽ പ്രവർത്തകരും നേതാക്കളും എത്തിച്ചേർന്ന് അദേഹത്തെ അനുനയിപ്പിക്കാൻ ശ്രമിച്ചെങ്കിലും തിരുവഞ്ചൂർ ഉപവാസം അവസാനിപ്പിക്കാൻ തയ്യാറായില്ല.
ഇത്ര ഗൗരവമേറിയ സമരത്തെ വേണ്ടത്ര പ്രാധാന്യത്തോടെ കാണാതിരുന്ന സംഘാടകരുടെ നിലപാട് ദൗർഭാഗ്യകരമാണെന്ന് തിരുവഞ്ചൂർ മാധ്യമ പ്രവർത്തകരോട് പറഞ്ഞു. സർവകക്ഷി യോഗം പ്രഹസനമായിരുന്നെന്നും അദ്ദേഹം ആരോപിച്ചു.
അതേസമയം പുല്ലാട്ട് നിന്ന് യാത്രക്കക്കാപ്പമുണ്ടായിരുന്ന പ്രവർത്തകർ കോഴഞ്ചേരിയിലും മല്ലപ്പുശേരിയിലും വെച്ച് അതത് സ്ഥലങ്ങളിൽ തങ്ങിയതിനാലും ഇലന്തൂരിൽ മൂന്നു മണിയോടെ എത്തിച്ചേരാൻ പ്രവർത്തകർക്ക് നിർദേശം നൽകിയതിനാലുമാണ് ആശയക്കുഴപ്പമുണ്ടായതെന്നു കോൺഗ്രസ് നേതാക്കൾ പറഞ്ഞു.
21:00 PM, Nov 15
Kerala
thiruvanchoor radhakrishnan
title_en:
thiruvanchoor radhakrishnan

For InstantView News @NewsHeadIV